أهلاً بيكم ,
في المقالة الي فاتت اتكلمنا عن توزيع العناصر الرئيسية
في غرفة النوم الرئيسية , سرير + 2 كومودينو
(طاولة جانبية) + دولاب + سراحة , وقلنا ان العناصر دي هي بس الأساسية والى موجودة
في كل غرفة نوم رئيسية , دلوقتي حتكلم عن وجود غرفة ملابس ( دريسينج روم ) و حمام
داخل غرفة النوم الرئيسية .
ابعت كلمة ( شطب ) أو ( SHATAB ) في رسالة واتس آب على الرقم ( 00201153087723 ) وحنبعتلك جديد مقالات مدونة شطب ديكور.
خلينا نحط مبدأ كدا لما نشتري شقة جديدة , بلاش نستسلم
لتقسيم الشقة كأمر واقع مش بيتغير , لازم نعمل تغييرات في التقسيم على قد ما نقدر
عشان نستوفي احتياجاتنا أكتر و نستفاد من كل المساحات , القاعدة دي حتفضل معانا في
تصميم كل أوضة بالشقة , و دائماً وأبداً ننصحكم بإختيار مهندس ديكور شاطر يساعدكم
في اعادة تقسيم شقتكم و توزيع فرشها.
نرجع لموضوعنا الى بتنطبق عليه القاعدة الى لسة قايلنها
, وهو وجود غرفة ملابس و حمام داخل غرفة النوم الرئيسية ,طبعاً معظم الشقق مش
بيكون تقسيمها جاهز لكدا , وبالتالي حاولوا تعيدوا تقسيم غرفة النوم الرئيسية
بطريقة ما ( وبمساعدة مهندس ديكور شاطر ) بحيث تخلقوا مساحة للدريسينج و الحمام ,
دا طبعاً لو انتوا عايزين.
لمشاهدة صورأفكار لتوزيع عناصر الغرفة الرئيسية إضغط هنا
في أفكار كتير ممكن تتنفذ و ممكن تشوفوها في الصور الى
جاية , بعضها بيتناسب معانا كمصريين وعرب و بعضها لأ ولكن في كل الأحوال المساحة
بتحكم , أنا شخصيا أفضل يكون موجود دريسينك + شاور وحوض بسيط داخل غرفة النوم الرئيسية منعاً لأي مشاكل في الصرف و خلافه.
لاحقاً حنتكلم بالتفصيل عن الدريسينج روم و أفكار مختلفة
ليها ولكن خلينا نشوف دلوقتي صور لأفكار غرفة النوم الرئيسية بوجود دريسينج و حمام
من موقع
تابعوا موقع تشطيب ماب .كوم أول موقع إعلانات مبوبة متخصص في التشطيبات والديكور
في المقالة الي جاية حنتكلم عن سرير غرفة النوم الرئيسية
واختيار تصميمه
انتظرونا,,
ليست هناك تعليقات:
إرسال تعليق