أهلاً بيكم ,
في المقالة الي فاتت اتكلمنا عن عناصر غرفة النوم الرئيسية و عملنا قايمة كبيرة بكل العناصر
الى ممكن تكون موجودة وربما عند بعض الناس في عناصر تانية احنا مكتبنهاش ,
النهاردة حنتكلم عن توزيع العناصر دي في غرفة النوم الرئيسية ولكن حيكون كلامنا عن العناصر الأساسية فقط والى موجودة غالباً في
كل غرفة نوم رئيسية مهما كانت مساحتها كبيرة أو
صغيرة.
أكيد كل بيت فيه غرفة نوم رئيسية حنلاقي فيها سرير + 2 كومودينو (طاولة جانبية) + دولاب + سراحة ,
ممكن تزيد عنهم عناصر زي الشفونيرة مثلا ولكن خلينا نتكلم عن الأربع عناصر الي
ذكرناهم ونعتبر انهم أساس أي غرفة نوم رئيسية في
أي مكان.
ابعت كلمة ( شطب ) أو ( SHATAB ) في رسالة واتس آب على الرقم ( 00201153087723 ) وحنبعتلك جديد مقالات مدونة شطب ديكور.
في حاجتين مهمين دايماً بيأثروا علي توزيع الغرفة ,
الباب والشباك ( أحياناً بيكون باب بلكونة ) , في الصور التالية عملنالكم أكتر من
احتمال لتوزيع غرفة النوم الرئيسية مع تغيير مكان
الباب والشباك , حنلاحظ في جميع الاحتمالات اننا بنحاول نخلي السرير مش في مواجهة
الباب أول ما ندخل الأوضة ,ماعدا في الاحتمال 3* بسبب وجود الشباك جنب الباب حطينا
السرير في الوش , عشان كدا عملنا الاحتمال 3* بيكون ضهر السرير عند الشباك ودا حل
أحياناً بيناسب البعض مع وجود ستائر ديكورية بتعمل تناسق جميل مع ضهر السرير.
 |
حاولنا نوضحلكم أكبر عدد من الاحتمالات في أبسط صورها
وبالتالي تقدروا تكونوا فكرة عن طريقة توزيع غرفة النوم الرئيسية وتبدأوا بنفسكم توزعوها
على حسب وضعها في البيت عندكم.
لمشاهدة جميع المقالات السابقة إضغط هنا
في المقالة الي جاية حنتكلم توزيع غرفة النوم الرئيسية و لكن مع وجود غرفة ملابس ( دريسنج
روم ) + حمام
انتظرونا,,
